Mummy, Mummy, Mummy
Ninkushaba ngu ompe akacai
Akainemu amate maingi
Na ka shukaari nari akooki
Nkanywe, nkanywe, nkanywe
Mummy, Mummy, Mummy
Onteereho n'akagaati
Kasiigire Blubandi
Nari nteho ka mamaledi
Nkarye, nkarye, nkarye.
Mummy, Mummy, Mummy
Entanda yangye eri nkahi?
Otwizi n'ebitabo byangye
Ngukwaate ngyende nze kushoma:
Nshome, nshome, nshome.
Daddy, daddy, daddy
Ndonderayo n'akasente
Nkatekye omu nshaho yangye
Orujara rwaaba rweizire
Nyegurire nyegurire ka sumbuusa
Nkarye, nkarye, nkarye.
Daddy, daddy, daddy
Ekitabo kyangye kihweire
Na Bick yangye ehweiremu
Eby'okuhandiika ni bingi
Mpwera ntungye ebikwaato
Nshome, nshome, nshome.
Mummy, Daddy, Mummy,
Mwebare kundeeberera
Mwebare kumpangaana
Ka ngyende nyirukye n'obwiira
Ba tica bantegyereiza.
Kare, kare, kare!
Fr. Bonaventure Turyomumazima
Kilkeel, Northern Ireland
Tuesday, 26 Jun 2018, 6:23 pm GMT+3